1 лістапада навучэнцы нашай установы адукацыі наведалі палацава-паркавы комплекс “Нясвіжскі замак”.
Экскурсія аказалася своеасаблівым “акунаннем” у даўно мінулыя дні. Дзеці адчулі дух былых стагоддзяў, змаглі атрымаць асалоду мінулых стагоддзяў, і ўсвядомілі, наколькі каштоўная спадчына, пакінутая нашымі папярэднікамі.
Паездка была проста цудоўнай: дзеці пабывалі ў замку, пазнаёміліся з гісторыяй і ладам жыцця князёў Радзівілаў. Убачылі жылыя пакоі княжацкай сям'і - мужчынскую і жаночую яе паловы, шыкоўныя парадныя залы (Бальная, Залатая, Паляўнічая і іншыя залы палаца), дзе размяшчаюцца найбагатыя калекцыі прадметаў мастацтва і прымаліся высокапастаўленыя госці. Вучні даведаліся пра гісторыю княжацкай сям'і Радзівілаў, пачулі шматлікія легенды пра замак. Ну і, вядома, легенду пра чорную Панну – прывід Нясвіжскага замка.
Нясвіжскі замак уражвае сваёй раскошай і веліччу. Сярод экспанатаў прадстаўлены знакамітыя слуцкія паясы, якія можна было разгледзець і пазнаёміцца з гісторыяй іх стварэння. Таксама сярод экспанатаў вучні ўбачылі рыцарскія даспехі і сапраўдную зброю той эпохі. Дзеці з цікавасцю слухалі легенды пра помнікі архітэктуры.
Няма сумненняў, што экскурсія ў Нясвіжскі замак пакінула самыя яскравыя ўражанні.