Музей баявой і працоўнай славы дзейнічае з 1985 года. Ініцыятарам стварэння музея і яго першым кіраўніком быў настаўнік пачатковай ваеннай падрыхтоўкі Ланцаў Анатолій Сцяпанавіч.
Профіль музея-комплексны
Экспазіцыі музея: “Усталяванне савецкай улады на тэрыторыі Гавінавіцкага сельскага Савета”, “Удзел нашых землякоў у падзеях Вялікай Айчыннай вайны”, “Развіццё Гавінавіцкага сельскага Савета пасля Вялікай Айчыннай вайны”, “Летапіс нашай школы”, “Этнаграфічная спадчына”, экспазіцыя па генацыдзе беларускага народа «Без тэрміну даўнасці».
У нашым музеі гісторыя пачынаецца з экспазіцыі "Усталяванне савецкай улады на тэрыторыі Гавінавіцкага сельскага Савета". У ёй апісваюцца падзеі, якія адбываюцца на нашай зямлі з 1917 па 1939 гг.
Падзеі вайны адлюстраваны ў экспазіцыях "Удзел нашых землякоў у падзеях Вялікай Айчыннай вайны" і "Без тэрміну даўнасці". Жыхары нашай сельскага Савета змагаліся ў баях супраць нямецкіх захопнікаў, дапамагалі партызанам. Некаторыя нашы землякі за сувязь з партызанамі былі расстрэлены ворагам, многія не вярнуліся з фронту.
Экспазіцыя "Развіццё Гавінавіцкага сельскага Савета пасля Вялікай Айчыннай вайны" адлюстроўвае аднаўленне савецкай улады і эканомікі рэгіёна. Мясцовыя прадпрыемствы выраблялі прадукцыю, вядомую на ўвесь Савецкі Саюз.
У экспазіцыі "Летапіс нашай школы" знаходзіцца інфармацыя аб вучнях, настаўніках школы, якія вучыліся і працавалі з 1976 года.
Да экспазіцыі "Этнаграфічная спадчына" навучэнцамі школы і жыхарамі сельскага Савета былі сабраны розныя этнаграфічныя прадметы. Гэта і прадметы хатняга побыту, адзенне і прыклады ручной вышыўкі.