Дзень роднай мовы адзначаецца ў нашай краіне 21 лютага. А якая мова з’яўляецца для нас роднай? А чаму менавіта беларуская мова з’яўляецца для нас роднай? Такія пытанні паўсталі перад вучнямі малодшых класаў у час конкурсу ,,Знаўцы роднай мовы”, які адбыўся ў нашай школе ў гэты дзень. І дзеці з пачуццём вялікага гонару далі адказ: ,,Мы жывём у Беларусі. Беларусь – наша Радзіма.Тут мы вучымся, тут жывуць нашы мамы і таты, дзядулі і бабулі. Кожны чалавек павінен ведаць сваю родную мову, не саромецца размаўляць на ёй, умець спяваць народныя песні, танцаваць народныя танцы.”