Мы павінны ведаць: песня загучала. Жыў на свеце Колас, жыў Янка Купала. Гонар яны мелі, нашы беды зналі, Песні- сказы пелі, волю шанавалі. У Падгорненскай сярэдняй школе адбылася літаратурная сустрэча "Слаўныя сыны Беларусі", прысвечаная 140- годдзю з дня нараджэння майстроў беларускага слова - Янкі Купалы і Якуба Коласа. Наша літаратура- наш гонар. І колькі б часу ні прайшло, заўсёды будуць жыць у памяці людзей Купала і Колас- выдатныя народныя паэты, без якіх немагчыма ўявіць сабе беларускую літаратуру.