Урок памяці “Хтосьці родам з дзяцінства, а я – з вайны” напомніў вучням 5 – 7 класаў аб трагічных падзеях Вялікай Айчыннай вайны. Вайны самай крывавай, самай знішчальнай і самай жорсткай. Вайны, у якой Беларусь страціла мільёны сваіх жыхароў на палях бязлітасных баёў, у лагерах смерці.
Абавязак кожнага беларуса – памятаць пра жахі вайны, смерць і пакуты бязвінных людзей, боль і плач бездапаможных дзяцей.
Мы, удзячныя нашчадкі, не павінны забываць, што жыццём сваім абавязаны ім – Салдатам Вялікай Перамогі. Мы памятаем мінулае і ўпэўнены ў тым, што беларускі народ, як ніхто іншы, ведае цану міру і вышэй за ўсё ставіць гонар і свабоду сваёй Айчыны.
Будзем вартымі светлай памяці ўсіх загінуўшых!
Наша ўдзячная памяць героям вядомым і безыменным!