Восень на Беларусі – самая доўгачаканая, самая багатая пара; час завяршэння ўборкі ўраджаю, збору дароў прыроды: садавіны, гародніны, грыбоў, арэхаў, пара ўборкі нашага беларускага другога хлеба – бульбы.
Штогод у нашай школе праходзіць свята “Восеньскі кірмаш”. Вось і сёння малодшыя класы прынялі ўдзел у выставе “Восеньская фантазія”, а сярэднія апынуліся ў літаратурна - музычнай гасцёўні “Свята ўраджаю”.
Вясковыя дзеці добра ведаюць і адчуваюць сутнасць гэтага свята – падзяка прыродзе і людской працы за ўраджай, радасць ад заканчэння працоўнага восеньскага сезону.