28 кастрычніка ў ДУА “НПК Падгорненская дзіцячы сад-сярэдняя школа Баранавіцкага раёна” праводзілася мерапрыемства праекта “ШАГ” (Школа Актыўнага Грамадзяніна) для навучэнцаў 8-11 класаў “Гонар за Беларусь. Здароўе кожнага – галоўная каштоўнасць”. Мэтай з’яўлялася азнаямленне з дасягненнямі беларускага народа ў галіне аховы здароўя і фармацэўтыкі. Школьнікі пазнаёміліся з асноўнымі дасягненнямі медыцыны пры дапамозе прэзентацыі, а таксама з відэаматэрыялаў і прэзентацыі прыгадалі, якія праводзяцца спартыўна-масавыя мерапрыемствы і якія спартыўныя збудаванні ёсць у нашай краіне. Вучні зрабілі вывад: здароўе – гэта перш за ўсё наш лад жыцця. Фарміраванне здаровага стылю паводзін моладзі Беларусі – адзін з прыярытэтных напрамкаў развіцця нашай дзяржавы.