Штогод у першую нядзелю верасня адзначаецца нацыянальнае свята – Дзень беларускага пісьменства і друку, якое для ўсіх нас мае вялікае значэнне. Гэта свята праводзіцца з мэтай прапаганды лепшых традыцый нацыянальнай культуры, друкаванага слова, духоўнасці беларускага народа. Свята паказвае, што Беларусь заўсёды была і застаецца краінай з высокай кніжнай культурай, што нашы выдаўцы зрабілі неацэнны ўклад у развіццё сусветнага кнігадрукавання. Пад дэвізам “Слова ўсіх аб’ядноўвае” прайшло мерапрыемства, прысвечанае Дню беларускага пісьменства і друку ў пачатковых класах нашай школы.