Міжнародны жаночы дзень – гэта свята, якое нікога не можа пакінуць абыякавым, бо гэта свята не толькі маці, бабулі, настаўніцы, аднакласніцы, але і кожнай дзяўчынкі на свеце. А з надыходам светлай і цёплай вясны павіншаваць прадстаўніцу прыгожага полу асабліва прыемна. Навучэнцы школы старанна рыхтавалі канцэртную праграму для ўсіх жанчын школы «Са святам жанчын!». У святочным канцэрце прынялі актыўны ўдзел вучні пачатковых, сярэдніх і старэйшых класаў. Дзеці падрыхтавалі сцэнкі, вершы, віншаванні і музычныя нумары, каб падарыць гледачам добры і пазітыўны настрой. Іх старанні былі ацэнены шчодрымі апладысментамі і словамі падзякі. Гэты вясновы дзень быў сапраўды радасным і напоўненым эмоцыямі!