Днём абаронцаў Айчыны 23 лютага стала для грамадзян нашай краіны пасля падпісання Прэзідэнтам спецыяльнага Указа. А вось вытокі свята трэба шукаць глыбей — яны ў далёкім 1918 годзе, калі была створана Чырвоная Армія, калі яе байцы атрымалі першыя перамогі.
Навучэнцы нашай школы ў суботні дзень здзейснілі падарожжа ў гісторыю беларускай арміі “Беларуская армія ўчора, сёння, заўтра”, а таксама паўдзельнічалі ў віктарыне,прысвечанай гэтай даце.
Дзень абаронцаў Айчыны і Узброеных Сіл — наша агульнае свята, свята людзей, якія любяць сваю Радзіму і гатовы ўсімі даступнымі сродкамі абараняць яе. Да такой высновы прыйшлі ўсе ўдзельнікі мерапрыемстваў.