З вясны пачаткам нездарма прыходзіць,
Як свята светлае, Жаночы дзень,
Бо, як вясна дае жыццё прыродзе,
Так і жанчына нам жыццё дае.
Сярод дат календара ёсць асабліва любімыя святы, якія нясуць у сабе цеплыню і любоў. Менавіта такім з'яўляецца Дзень жанчын - 8 сакавіка. Вось і ў нашу школу завітала гэта свята і прынесла з сабою шмат вясёлых і светлых эмоцый.
Дзеці з задавальненнем прынялі ўдзел у канцэртнай праграме і павіншавалі сваіх матуль і бабуль з гэтым цудоўным святам.
Яны падрыхтавалі шмат вершаў, песень, танцаў. А яшчэ паказалі інсцэніроўку пра першыя вясновыя кветкі - падснежнікі.
На працягу ўсяго мерапрыемства панаваў цудоўны настрой. Вучні падарылі прысутным радасць, шчасце і цеплыню.